Rahina Gumi | |
---|---|
![]() Panji Rahina Gumi nénten resmi karipta olih John McConnell rumasuk The Blue Marble poktrék sané kaambil kru saking Apollo 17 | |
Makna | Wantuan antuk pasaiban palemahan |
Ngawit | 1970 |
Tanggal | 22 April |
Frekuensi | Ngawarsa |
Rahina Gumi inggih punika acara ngawarsa tanggal 22 April antuk nganikayang wantuan antuk pasaiban palemahan. Kapertama kamargiang 22 April 1970, mangkin ngajangkepin makudang acara sané kakordinasi sacara global olih EarthDay.org (sadurungné Earth Day Network)[1] including 1 billion people in more than 193 countries.[1][2]
Warsa 1969 ring konferénsi UNESCO San Francisco, aktivis padaméan John McConnell ngusulang rahina antuk minghormatin Gumi miwah konsép padaméan, kapertama karayaang ring 21 Maret 1970, rahina kapertama masan semi ring sisi kalér Gumi. Rahina kategtegan palemahan puniki selanturnyané kaproklamasiang sané kasurat olih McConnell miwah kalingga tanganin olih Sékrétaris Jénderal U Thant ring Paiketan Wangsa-Wangsa. Asasih salanturnyané Sénator Amérika Serikat Gaylord Nelson ngusulang antuk ngadaang acara ngajahin palemahan nasional ring tanggal 22 April 1970. Dané nyéwa satunggil aktivis yowana, Denis Hayes, antuk manados Koordinator Nasional. Nelson miwah Hayes ngagentosin aran acara punika dados "Rahina Gumi". Denis miwah prajuru ngembangang acara ring jaba dudonan pangawit antuk pangajahan sané ngajangkep sajebag Amérika Serikat. Langkung saking 20 yuta diri tedun ring margi, asapunika Rahina Gumi kapertama tetep manados protés arahina pinih ageng ring lelintihan manusa. Ring meten Walter Reuther ngamanggalain massa sawkertti, sekadi, Pakarya Mobil Asiki (UAW) punika pendukung punia miwah pamargi jaba sané penting ring Rahina Gumi Kapertama.[3][4][5] According to Hayes, "Without the UAW, the first Earth Day would have likely flopped!"[6] Nelson selanturné kaicain panghargaan Medali Kamahardikaan Présiden antuk pakaryan ipun.[7]
Akéh seka sané nyarengin Aksi Wuku Rahina Gumi, acara awuku penuh sané nganikayang indik pikobet palemahan sané wénten ring guminé.[8] Ring Rahina Gumi 2020, langkung saking 100 yuta diri ring sajebag guminé ngarayaang 50 warsa rahina puniki, taler kanikayang dados acara pinih ageng sacara online sané kamargiang ring lelintihan manusa.[2]